كاتيلا كاتيلا

كاتيلا  كاتيلا
كاتيلا يا نبقه
يعيش بابا ويبقى
ويعمر الطبقه
الطبقه طابيقه
اجازة يا شفيقه
رحنا الحسين
صلينا ركعتين
ركعة العشا
وركعة نص الليل
عما يعميك ياحرامى الديك
لا روح اشتكيك
للافندى
يعلمك
ويأدبك
أبرتى
فى علبتى
علبتى فيها الصفا
وفيها النفا
وفيها جميع المصطفى
***************************

المشاركات الشائعة من هذه المدونة

أغنية أنا سندباد

مجموعة مكونة من بنتين  , تصفق الأولى على يد الثانية فى حركة اليمين مع الشمال والعكس مرة للأعلى ومرة لأسفل ثم تصفيق اليدين أمام بعضهما . ثم ترفع كل منهما يديها على كتفها مع رفع أصبع الأبهام وضم الأصابع الأخرى ( حركة كده أوكيه ) الأغنية انا سندباد                   أختى من بغداد اختى ياسمينه             عروسة المدينة جابت لى قمصين        فيهم زرارين سمتهم على اسمين       الحسن والحسين اخويا علاء الدين         جاب لى كتاب الدين       من فلسطين فلسطين بلدنا              واليهود كلابنا بيخبطوا على بابنا        زى الشحاتين تين  تين   تين             يابتاع الفساتين تتأبط كل منهما ذراع الأخرى , ويلففن حول بعضهما وكل واحدة وجهها بعكس الأخرى أيس كريم                 أيس كريم أيس كريم                 أيس كريم    أنتو   أنتو أيس كريم                 أيس كريم    أتفو   أتفو *************************************************************
قراءة المزيد

أغنية نحن القدماء المصريين

وضع اليد اليمنى على الكتف  الأيسر على الأيمن وهكذا فى شكل مقص ثم تنزل اليدين على الجنبين مع الغناء نحن قدماء المصريين بالمفهومية معروفين احنا اللى بنينا  السد العالى والأهرامات خوفو   خفرع   منكاورع أتوبيسى   بيسى   بيسى رامسيسى  سى    سى    سى كوبرى العباسية علمونا ف العلوم أزاى نعرف نعوم فى بحر اسكندرية فتحت كتاب العربى لقيت واحد بيربى بيعملى كده  هوه ( حركة وضع الذراعين على شكل تنويم طفل صغير ) فتحت كتاب الدراسات لقيت واحد بيصطاد يعملى كده  كده  كده ( تصنع يديها على شكل سنارة مع رفع أصبع السبابة كحركة الصيد ) فتحت كتاب الحساب لقيت واحد حساب بيعملى كده  كده  كده ( تحريك أصبع السبابة اليمنى بجوار المخ من الجهة اليمنى وتحريكة على شكل دائرة ) فتحت كتاب الدين لقيت صلاح الدين بيعملى  كده  كده  كده ( يتم تحريك الذراع لأعلى على هيئة سيف ويطوح فى الهواء أستعداد للقتال ) فتحت كتاب العلوم لقيت واحد بيعوم بيعملى كده  كده  كده ( تحريك الذراعين على هيئة سباحة فى الماء ) ملاحظة نلاحظ أن هذه الأغنية لتعريف اسماء المواد التى يتم دراستها فى المدرسة وادخال
قراءة المزيد

لعبة فتحى ياوردة الجديدة

ألعاب بنات فتحى ياوردة   قفلى ياوردة يتم عمل دائرة من البنات  , والحركة بشكل دائرى وهن متشابكات الأيدى مع الغناء فتحى ياوردة       قفلى ياوردة              ( تصفيق ثلاث صقفات ) البنت الشاطرة     طول عمرها شاطرة             // تعرفوا تعدو        من واحد لعشرة                   // ثم يتم التنطيط داخل الدائرة عشرة مرات مع العد واحد  اتنين تلاتة ... من تنط عند العشرة وتكون القدمين مفتوحتين على شكل v   تخرج من الدائرة والمضمومة القدمين تظل مكانها وتكمل اللعبة . ******************************************************    
قراءة المزيد