مين العسل

مين العسل  دا يا ولاد
مين السكر  دا يا ولاد
مين شايل  الشنطة
وبيرسم قطة  وبطة
وبيجرى يقول  يا ماما
أنا رحت الحضانة

والحضانة كبيرة
فيها أحمد وسميرة
سميرة تنط نطة
وترسم قطة وبطة

والبطة بتكاكى
وتقول أه ياوراكى

تعالى اقعدى جنبى
ع القطيفة البمبى
بمبى بمبى بمبى
-------------------
كدا تطير العصافير
----------------
كدا تطير العصافير
كدا ننام أمامير
كدا نغسل مناديل
كدا نصقف للشاطرين
كدا ننام ع السرير
شوفو ماما جابت لى أيه
نونو صغير يا اختى عليه
ياله نبوسه من ايديه .. ونعلمه أ .. ب
-----------------------------------
تعالى يا بطه
----------
تعالى يا بطه
وأنا مالى هه
شيلي الشنطه
وانا مالى هه
الشنطه خفيفه
وانا مالى هه
بتلاته تعريفه
وانا مالى هه
-------------------
يابطه ياسمينه
-----------
يا بطه يا سمينه
مالك حيرتينا

طالعه ونازله علينا
من فوق السلالم
عمرى ما شفت واحد
ما بيعبدش الواحد
شدته وقعنى
وقعته بشطارتى
--------------------
قبل الأكل
---------
قبل الأكل أغسل ايديا
أغسلهم بصابونه  وميه
بعد الأكل اغسلهم تانى
اغسل بقى كمان وسنانى
------------------------------
أنا عندى ديك
------------
انا عندى ديك   اسمه مرسى
قاعد مربع ع   الكرسى
جبت السكينه   ودبحته
وبالميه السخنه ونضفته
صحى من النوم وقال : كوكو
-----------------------------
الأشكال الهندسية
-------------
الأشكال الهندسية
عيله حلوة بس
شقيه
مثلث
ياعنى !يه يا ولاد
تلات أضلاع
مربع
ياعنى !يه ياولاد
أربع أضلاع
دايرة
ياعنى !يه ياولاد
ضلع واحد بس
مدور
---------------------
ياديك ياديك
-----------
ياديك ياديك        يا مقطقط
من روحى فيك    والنبى تدن
مسكت الديك       ودبحت
بالميه السخنه      ونضفت
بالجوز واللوز    وحشيته
قدام سيدى بابا    وحطيته
من كدبى الديك   ماصبح يدن
كوكو  كوكو
----------------------------
يافار يابنى
----------
يافار  يابنى
أوعى  تاكلنى
كولنى بالليل
الساعه اتنين
رحت للقاضى
قالى مش فاضى
رحت له تانى
قص قص لى ودانى
أه ياودانى  أه ياودانى
---------------------------