مدونة تهتم بالأدب الشعبى - دراسات - وحكايات شعبية - وغيرها

اغنية كل ما تكبر تحلي - كاظم الساهر - سمعنا

اغنية صباحك سكر - كاظم الساهر - سمعنا

اغنية قولي احبك - كاظم الساهر - سمعنا

اغنية كل عام وانت حبيبتي - كاظم الساهر - سمعنا

حادى  بادى كرنب  زبادى شالو   وحطو كله على دى ياضفدعه يالل أولادك الربعه واحد    اتنين تلاته    أربعه مع النط للأعلى وفتح القدمين ثم الهبوط للأسف وغلق القدمين فى حركة مقص مع التنطيط

أنا أرنب        أصفر وجميل ماخافش ابدا    من الفيل تاكل خسه      توء توء تاكل جزره    توء توء علشان تكبر   تبقى سمين

ياللا ياماما صلى العصر قبل مابابا يجى من مصر بيب  بيب  بابا جه نزل يدب طلع يدب لقى الحمار بيقزقز لب فتح الحله لقى تعبان نط فى كرشه قال ياسلام

شيكولاته يو أى لف    يو ليه ياماما  ليه زعلتى بابا  ليه دا بابا لسه صغير مش عارف ألف بيه أشترى شيكولاته بالف جنيه وأشترى عربيه بنص جنيه دخل الحمام لبس فستان نزل الملعب قال ياسلام

منطقة الجمع بولاق أبو العلا تلات معالق ع السفره واحده ترن   وواحده تزن وواحده تقول ياماما عايزه أكل مكرونه والبقال معهوش فلوس والفلوس فى الخزنه والخزنه عايزه مفتاح والمفتاح عايز فلاح والفلاح عايز تفاح والتفاح فى الميه والميه عايزه حنفيه أخص عليكى ياميه ميه مصديه الرواة : سما وسهيلة فصل 1-1 مدرسة أبو الفرج

دارى يالمزين دارى            سمعنى عياط الغالى آدى أمه قاعده مجليه           لبسه حلق بميه وأبوه شايل الصينيه            بيلم نقوط الغالى دارى يالمزين دارى          سمعنى عياط الغالى آدى أخته قاعده مجليه       لبسه الخاتم أبو ميه وأخوه شايل الصينيه         بيلم نقوط الغالى دارى يالمزين دارى         سمعنى عياط الغالى آدى سته قاعده مجليه       لبسه كردان بميه وجده شايل الصينيه         بيلم نقوط الغالى دارى يالمزين دارى        سمعنى عياط الغالى وآدى خالته قاعدة مجليه   لبسه اساور بميه وخاله شايل الصينيه        بيلم نقوط الغالى دارى يالمزين دارى       سمعنى عياط الغالى وهنا يمكن أضافة أفراد العائلة أو الأقارب والجيران بشرط الحفاظ على الأيقاع ونهاية الشطر . ( أرجو قراءة الفاتحة على روح أمى الغالية جمالات محمود التى جمعت منها هذا النص , وكانت تغنيه بصوتها الجميل الملىء بالحنان والشجن , فمازال صوتها وأدأها يرن فى أذنى كلما قراءت هذا النص لأنها كانت تغنيه لأخواتى كثيرا )

ياأم المطاهر ياأم المطاهر    زوقى غرباله والسعد خد من عندنا واداله ياأم المطاهر  رشى الملح  سبع مرات روحى ياحسوده     من ورانا روحى داحنا حازنا          وقلبنا مجروحى ياحسود              ارجع ورا خلى الشمعه        منوره بعدته وأمواسه بعدته ومواسه      دخل المزين        بعدته وامواسه وخدته جنبى        العمه تبوسه        والعدوه تدارى بعدته وامواسه     دخل المزين        بعدته وامواسه فى حلاقة راسه    حلف المزين ماياخد الا ميه      حلف المزين بعدته وامواسه     دخل المزين      بعدته وامواسه فى حلاقة القصه   حلف المزين ماياخد الا ميه      حلف المزين زغرطيله يابنيه   حلف المزين بعدته وامواسه     دخل المزين     بعدته وامواسه  

3- حلقاتك حلقاتك             برجالاتك حلقة دهب        فى ودناتك يارب ياربنا      يكبر ويبقى   أدنا ويلعب  فى       الشارع       زينا سمو المولود     سعد الله وعيونه السود   سعد الله ويعيش ويجود   سعد الله يام الصغير يام الصغير زوقى غرباله والسعد خد مننا وأدى له اسمع كلام أمك اسمع كلام أبوك اوعى تسمع كلام جدتك اسمع كلام جدك اسمع كلام خالك وهكذا تظل الداية تدق على الهون وتعد الواقفين وهى تختار من يسمع كلامه ومن لايسمع كلامه وأحيانا تدخل فى باب المداعبة أو من يعطيها نقوط للمولود فتجعله يسمع كلامه .

الننى   الننى                  ياحلاوة ع الننى يا أول شهرى                ولا جتنيش ضهرى                  ربى يعوض عليا الننى   الننى                ياحلاوة ع الننى ياتانى  شهرى             ولاجتنيش ضهرى                 ربى يعض عليا وتظل هكذا تعد هى بمفردها الى أن تصل الى الشهر التاسع الننى الننى                ياحلاوة ع الننى ياتاسع شهرى            وأهو جانى الننى الننى   الننى              ياحلاوة ع الننى ( الننى هو تصغير ننه أى الطفل الرضيع أو المولود حديثا , وأحيانا تقال على ننى العين )

- الحمل - يامزمزيل ياليلة يامزمزيل ياليله                ليكى كم شهر حبيله ليا الأول أهه                   أهه وبيلعب كده                     كده واللى يهل                      علينا يامزمزيل ياليله              ليكى كم شهر حبيله ليا التانى أهه                 أهه وبيلعب كده                   كده واللى يهل                     علينا يامزمزيل ياليله              ليكى كم شهر حبيله وهكذا تظل هى تكرر عدد الشهور والمجموعة تسألها الى أن تصل الى الشهر التاسع تقول ليا التاسع أهه                     أهه وها ينزل كده                     كده شيلو معايا                        هيلا بيلا . وهنا تقوم  هى بوضع يديها على هيئة أنها تحمل طفلا صغيرا والمجموعة لمساعدتها فى حمل الطفل الذى ولد .

يا ولاد حارتنا            توت  توت هاتو عشاكم              والنبوت وامشو معانا              لما نفوت يامغرفة يامنقرشة      لمى العيال من ع العشا يامغرفة ياام ايد         لمى العيال من ع الوقيد  

صدر هذا الكتاب فى ابريل عام 2004 جمع وتعليق : الكاتبة صفاء عبد المنعم تصميم الغلاف : عبد الرحمن نور الدين تقديم الكتاب : الأديب خيرى شلبى رقم الأيداع : 2004/ 4418 صدر عن سلسلة : مكتبة الدراسات الشعبية العدد : 89 الهيئة العامة لقصور الثقافة . مستشارو التحرير د. أحمد أبو زيد د. نبيلة أبراهيم د. أحمد مرسى هيئة التحرير رئيس التحرير : خيرى شلبى مدير التحرير : حمدى أبو جليل منطقة الجمع : المطرية - القاهرة سنة الجمع : من 1990- الى 2004

وضع اليد اليمنى على الكتف  الأيسر على الأيمن وهكذا فى شكل مقص ثم تنزل اليدين على الجنبين مع الغناء نحن قدماء المصريين بالمفهومية معروفين احنا اللى بنينا  السد العالى والأهرامات خوفو   خفرع   منكاورع أتوبيسى   بيسى   بيسى رامسيسى  سى    سى    سى كوبرى العباسية علمونا ف العلوم أزاى نعرف نعوم فى بحر اسكندرية فتحت كتاب العربى لقيت واحد بيربى بيعملى كده  هوه ( حركة وضع الذراعين على شكل تنويم طفل صغير ) فتحت كتاب الدراسات لقيت واحد بيصطاد يعملى كده  كده  كده ( تصنع يديها على شكل سنارة مع رفع أصبع السبابة كحركة الصيد ) فتحت كتاب الحساب لقيت واحد حساب بيعملى كده  كده  كده ( تحريك أصبع السبابة اليمنى بجوار المخ من الجهة اليمنى وتحريكة على شكل دائرة ) فتحت كتاب الدين لقيت صلاح الدين بيعملى  كده  كده  كده ( يتم تحريك الذراع لأعلى على هيئة سيف ويطوح فى الهواء أستعداد للقتال ) فتحت كتاب العلوم لقيت واحد بيعوم بيعملى كده  كده  كده ( تحريك الذراعين على هيئة سباحة فى الماء ) ملاحظة نلاحظ أن هذه الأغنية لتعريف اسماء المواد التى يتم دراستها فى المدرسة وادخال

مجموعة مكونة من بنتين  , تصفق الأولى على يد الثانية فى حركة اليمين مع الشمال والعكس مرة للأعلى ومرة لأسفل ثم تصفيق اليدين أمام بعضهما . ثم ترفع كل منهما يديها على كتفها مع رفع أصبع الأبهام وضم الأصابع الأخرى ( حركة كده أوكيه ) الأغنية انا سندباد                   أختى من بغداد اختى ياسمينه             عروسة المدينة جابت لى قمصين        فيهم زرارين سمتهم على اسمين       الحسن والحسين اخويا علاء الدين         جاب لى كتاب الدين       من فلسطين فلسطين بلدنا              واليهود كلابنا بيخبطوا على بابنا        زى الشحاتين تين  تين   تين             يابتاع الفساتين تتأبط كل منهما ذراع الأخرى , ويلففن حول بعضهما وكل واحدة وجهها بعكس الأخرى أيس كريم                 أيس كريم أيس كريم                 أيس كريم    أنتو   أنتو أيس كريم                 أيس كريم    أتفو   أتفو *************************************************************

البنات : تفاحة   ياتفاحة       والبنات مرتاحة    ( مع حركة اليدين على شكل مروحة كاريوكا )           لمونة    يالمونة       والصبيان مجنونة           سته فى سته            بسته وتلاتين       والصبيان مش نافعين           بكره البنات            تفتح مدرسة         وتعلم الصبيان عربى وهندسة           عربية البنات          ماشيه منوره            وعربية الولاد        وقعت فى الخرا الصبيان : تفاحة       ياتفاحة    والصبيان مرتاحة              لمونة       يالمونة    والبنات مجنونة              سته فى سته            بسته وتلاتين        والبنات مش نافعين              بكره الصبيان         تفتح مدرسه           وتعلم البنات عربى وهندسة             عربية الصبيان        ماشيه منوره              وعربية البنات        وقعت فى الخرا *************************************************************8

المجموعة عدد فردى يتم تحريك الأيدى على هيئة مروحة فى حركة كاريوكا بالأهتزاز ثم تنزل يديها وتحركها لأسفل مع خفض الجزع لأسفل البنات : ميجو فوق المية            ميجو جوه البحر            بابا بيقول  عدو المية            عشرة  عشرين  تلاتي  أربعين  خمسين  ستين  سبعين  تمانين  تسعين  مية بعد الأنتهاء من العد  والقفز للأعلى كل بنتين تحتضنان  بعضهما    وتبقى بنت وحيدة  بمفردها   تبتعد عن المجموعة  , ثم يتم الأتفاق بين البنات فى المجموعة على أختيار رقم معين ويصبح سرا بينهن . ثم كل بنتين تشبكان أصابعهما , وترفع ذراعيها للأعلى على هيئة قبة . تقوم البنت المنفردة والتى خرجت من الدائرة بالمرور من أسفل الأيادى المتشابكة والمرفوعة عاليا , وهن يرددن : أول مرة سمحناكى وهى تمر من أسفل القباب تانى مرة سمحناكى الى أن يصلو الى الرقم المتفق عليه سرا بينهن وهى لا تعرفه مثلا رقم ( خمسة ) أو (عشرة ) يقمن بضربها على ظهرها بايديهن وهى تحاول الفرار وهن يحلقن عليها بالأيدى على شكل شبكة , وهى تجرى منهن بصعوبة وهن يحاولن تعطيلها لكى يقمن بضربها جيدا . التحليل الضرب هنا نتيجة جهلها بالرقم السرى

بنات يتم عمل دائرة  كبيرة من البنات وتظل واحدة خارج الدائرة بنت 1 : ممكن ألعب معاكم المجموعة : ينفع   ينفع بنت 1: طب دخلونى المجموعة : اتفضلى تدخل البنت داخل الدائرة وتقف فى الوسط وتظل واقفة تجلس المجموعة القرفصاء مع التصفيق نوسة    يانوسة      طول عمرك وأنت عروسة على ايدك  نقش الحنة أختارى واحدة مابنا ثم تقف المجموعة بنت 1 :  تغمض عينيها و تضع يديها على كتف بنت تختارها وهى تقول :             شو هى المجموعة : اللأ   اللأ بنت 1 : تظل تدور فى الدائرة وهى تبدل يديها على كتفى جميع البنات فى محاولة أختيار واحدة توافق عليها المجموعة ,  وهى       مازالت مغمضة العينين ثم تختار واحدة وتقول ؛ الحلوة  الحلوة  هى دى وعندما توافق المجموعة على البنت المختارة  تدخل الدائرة مكان بنت 1 وتخرج خارج الدائرة وتبدأ اللعبة من جديد . نلاحظ هنا أن المجموعة لا توافق ولا تفرط بسهولة فى البنت المختارة من البنت التى داخل الدائرة وهى مغمضة العينين على أعتبار أنها لا تبصر ولا تدرك من الأحلى . وعندما يكون أختيارها مناسب وموفق توافق المجموعة بسهولة . المجموعة هنا ربما تكون الجماعة الشعبية

ألعاب بنات فتحى ياوردة   قفلى ياوردة يتم عمل دائرة من البنات  , والحركة بشكل دائرى وهن متشابكات الأيدى مع الغناء فتحى ياوردة       قفلى ياوردة              ( تصفيق ثلاث صقفات ) البنت الشاطرة     طول عمرها شاطرة             // تعرفوا تعدو        من واحد لعشرة                   // ثم يتم التنطيط داخل الدائرة عشرة مرات مع العد واحد  اتنين تلاتة ... من تنط عند العشرة وتكون القدمين مفتوحتين على شكل v   تخرج من الدائرة والمضمومة القدمين تظل مكانها وتكمل اللعبة . ******************************************************    

لعبة ياعمال العمالين مكان الجمع : حى بولاق أبو العلا شارع الشيخ على وشركس والأرمنتى وحارة الشبراوى تلميذات مدرسة أبو الفرج الأبتدائية - شارع 26 يوليو بولاق أبو العلا السن : من 11 الى 12 سنة ********************************************, تقسم البنات الى مجموعتين , المجموعة الأولى مكونة من ثلاث بنات , والمجموعة الثانية باقى اللاعبات . تقف كل منهما فى المواجهة , ويتحركن للخلف والأمام متشابكى الأذرع من خلف الظهر . المجموعة الأولى : صباحكم بالخير       ياعمال العمالين المجموعة الثانية  : مسيكم بالخير ياعمال العمالين المجموعة الأولى : عايزين ناخد منكم هذه الصبية                          ( مع الأشارة الى الفتاة التى تم أختيارها من المجموعة الثانية ) المجموعة الثانية : والله ماتاخدوها        الا بألف ومية المجموعة الأولى : هنكسر أعمالكم المجموعة الثانية  : طظ المجموعة الأولى : هنخرب بيوتكم المجموعة الثانية  " طظ المجموعة الأولى : خدناها  خدناها       خدناها بالقوة                          يالله ياصبية           أركبى العربية                         ( يتم أخذ الفتاة

كانت جدتى تجلس فى ليالى الشتاء الباردة على سريرها و ونحن نتحلق حولها ونطلب منها أن تحكى لنا حكاية ( حدوتة قبل النوم ) فكان لابد من لزمة البداية , وتبدأها : بصلوا على النبى , نردد نحن الصغار فى خشوع وأدب : عليه الصلاة والسلام يانبى , كان ياما كان ياسعد يا أكرام ولا يحلى الكلام الا بذكر النبى عليه الصلاة والسلام , وتبدأ فى سرد حدوتتها بصوت رخيم , فتطوف بنا فى بلاد الجان والغيلان و ونتتبع سيرة الأميرة الجميلة ( ست الحسن والجمال ) وننتظر قدوم ( الشاطر حسن ) بحصانه الأبيض الجميل الذى سوف يخطفها عليه وتنتهى الحكاية بلازمة توتة توتة خلصت الحدوته , أو كنت هناك وجيت وكلت فرخة وديك . وكانت تحكى لنا ايضا حكاية ( بير زويلة والمعيز الثلاثة وغيرها من الحكايات الكثيرة ) وتقلد الأصوات , ونفرح ونصوصو حولها مثل الكتاكيت الصغيرة , وكنا دائما نطلب حدوتة ( ست الحسن والجمال ) كل ليلة لما بها من جمال وتشويق وظلم وأنتصار وتحالف قوى الطبيعة مع البنت الجميلة و كم سهرنا نتخيل الشاطر حسن او الأمير وهو يقضى على زوجة الأب الشريرة , وكنا نعتقد أن جدتى هى التى تؤلف لنا الحكايات خصيصا , لأنها كانت فى كل ليلة تروى لنا

البخت كان باخ   وصحصح بس باخ  .. تانى وصح مع ناس أرازل        بس باخ  .. تانى عدل بخوتهم وميل            بس باخ  .. تانى . ستى أنا ستى     أيدك فى التانجور   فتى بابا يفرح         ويقول : عندى حتة بت وحتة ست جوزتها ورجعت ندمت ياراجل خد فلوسك وأدينى البت الست . أبوح يا أبوح     كلب العرب مدبوح    وأمه وراه بتنوح وتقول : ياولدى ياطالع الشجرة     هات لى معاك بقرة تحلب وتسقينى     بالمعلقة الصينى والمعلقة انكسرت  يامين ياربينى دخلت بيت الله     لقيت حمام أخضر بيلقط السكر       ياريت أنا دوقته لجل النبى زرته .